The BesT Friends In FuTure Academy‎
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، . كما يشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب .

vitoshow المدير العام


يختص بكل امور طلاب وطالبات اكاديمية المستقبل
 
الرئيسيةالبوابةاليوميةس .و .جالتسجيلدخول
كوكو حلوة كوكو حلوة كوكو حلوة

شاطر | 
 

 حفلة تامر حسنى و حفلة عمرو دياب .... عفوا الفارق شاسع

اذهب الى الأسفل 
كاتب الموضوعرسالة
captin_hima
عضو فعال
عضو فعال
avatar

عدد المساهمات : 122
تاريخ التسجيل : 26/02/2010

مُساهمةموضوع: حفلة تامر حسنى و حفلة عمرو دياب .... عفوا الفارق شاسع   الخميس مارس 04, 2010 6:30 pm

حاولت امسك نفسى عن الكتابة

شغلت نفسى عن قسم الرابطة

لدرجة انى قررت مدخلش أبص حتى الناس كاتبة ايه

كل ده عشان مكتبش اللى ناوية عليه

حاولت امنع نفسى بس فشلت


اتفرجت على الحفلتين و شفت بنفسى محدش حكالى

-1-

نبتدى بالهدف من الحفلة

الهدف المعلن فى الحفلتين هو
جمع تبرعات لضحايا السيول فى الصعيد

الناتج كالتالى:

حفلة عمرو دياب جمعت 5 مليون جنيه مصرى
متضمنه عائد التذاكر و عائد الرعاة

حفلة تامر حسنى

جمعت 10 مليون جنيه الى الآن متضمنين الآتى:

6 مليون جنيه عائد التذاكر و الرعاه
4 مليون جنيه عائد التالى:
أعلانات و تبرعات مباشرة لتامر من رجال الاعمال
و تبرعات رابطة محبى تامر (80 الف جنيه تبرعات مباشرة و عائد اعلانات المنتدى لمده سنة كامة)
و التبرع المادى لتامر نفسه بالاضافة لتبرعه بالغناء فى الحفل
و مازال جمع التبرعات مستمر لان الحفلة حق عرضها لثلاث قنوات
متفق معاهم مسبقا توجيه عائد الاعلانات للتبرع

و بصراحه أصل تامر متعود على الحفلات الخيريه و على التبرعات
و خبراته فيها عالية جدا

يعنى نجاح هدف الحفلة لصالح تامر بالثلاثة

-2-

تجهيزات الحفلة

حفلة عمرو دياب

مسرح متواضع من حيث المساحة و التجهيزات
مسرح بعيد جدا عن الجمهور

حفلة تامر حسنى

أكبر مسرح فى أفريقيا و الشرق الأوسط
تجهيزات صوت و اضاءة و مؤثرات و ديكورات الاولى من نوعها
الحفلة ليها مخرج و منسق و مهندسة ديكور و مصمم رقصات و فريق رقصات كامل
و كل ده مش مدفوع فيه اى مبالغ من مبالغ التبرعات
كل ده تم التبرع به بالكامل سواء أدوات أو مجهود أو أجهزة
المسرح اتبنى بعرق الرجالة و تامر كان بيبنى معاهم و يشيل خشب

كل واحد قدم أحسن ما عنده عشان بيقدمه لربنا و لمصر


-3-

مدة الحفل و الدعاية

عمرو دياب غنى 45 دقيقة
وجود المنتخب فى الحفل و رغبة الجماهير فى الاحتفال بهم
كان عامل اساسى فى الدعايه للحفل
حتى ان اسم الحفل كان
حفل المنتخب يحييها عمرو دياب
كان نفسنا نفرح بمنتخبنا أكتر
كان نفسنا نسهر للصبح
كان نفسنا نستمتع بعمرو اللى وحشنا
عمرو اللى راجع للاستاد ده بعد 19 سنة
لما غنى بالحب اتجمعنا













تامر حسنى 4 ساعات غناء متواصل و استعراضات عربى و انجليش
جديد و قديم أغانى من الالبوم الجديد و أغانى معمولة مخصوص لمصر

أما الدعايه اعتمدت على عامل اساسى واحد
"تامر حسنى"

-4-

تامر و عمرو و الجمهور

يا عمرو انى اكون بحبك و أجرى عليك علشان اسلم عليك
أو حتى المسك و يكون حلمى لو اتصور معاك

و يكون رد فعلك انك تزقنى؟ تفتكر الولد اللى انت عملت معاه كدة

فى حفلك الاخير مسألش نفسه بعدها "أنا بحب عمرو طيب انا افرق معاه؟"



الصراحة الحركة دى ضايقتنى جدا
ده حتى بيقولوا محدش يرفص النعمة
و جمهورك نعمة يا عمرو هما اللى عملوك عمرو دياب
و هما اللى انت محتاجلهم أكتر ما هما محتاجينلك
و خصوصا دلوقتى لان نجوميتك و تاريخك العريض
مازال مرهون بحب جمهورك ليك هتتكبر عليهم هيكبروا عليك


أما أخونا تامر حسنى

كلامنا مش كفاية ولا توبيك كفايه فيك يا تامر
حتى جمهور عمرو بيعترفوا اننا أفرب ليك من أى جمهور لفنان تانى

تامر فى الحفلة لما ولد أغمى عليه من الاختناق
وقف الغناء تماما و فضل ينادى على محمد لحد ما فاق و قام و رقص و غنى تانى مع تامر
الجمهور ساعتها هتف

"أتعلم يا عمرو"

كان رد تامر فى ساعتها

"لا يا جماعة احنا جمهور بنحترم كل الفنانين و بالذات عمرو دياب"
"قولوا ورايا بنحبك يا عمرو بنحبك يا عمرو"

بيكرم رابطتنا فى كل حفلة
عمره ما استخبى او جرى مننا
طول عمره بيجرى علينا
لابس تيشيرت عليه اسمنا و بيرمى نفسه فى حضننا











و ادى لوكا ممثل رابطتنا

طالع على الستيدج معزز مكرم ولا حد زقه ولا قاله ايه اللى جايبك هنا
بالعكس الكل كان بيوسعله هو و أهلاوى
منظم الحفلة بيقدمهم قبل طلوعهم على المسرح كأنهم نجوم

لوكا من لخبطته نسى يسلم على تامر
تامر هو اللى حضنه

هو ده تامر حسنى
هو ده تامر أخونا

هو ده حبه لينا






طبعا النجم عمرو دياب مشكور لمجهوده
و يارب كل الناس تتسابق فى الخير
بس يا عمرو كلمة فى ودنك
قرب لينا أكتر لاننا نستاهل قربك ده

و فى الآخر مش هقول تامر عمل و عمرو عملت

هقول قطبين الغناء فى مصر

جمعوا 15 مليون جنيه
فى 4 ساعات و 45 دقيقة
الرجوع الى أعلى الصفحة اذهب الى الأسفل
vitoshow
المدير العام
المدير العام
avatar

عدد المساهمات : 403
تاريخ التسجيل : 24/02/2010

مُساهمةموضوع: رد: حفلة تامر حسنى و حفلة عمرو دياب .... عفوا الفارق شاسع   الجمعة مارس 05, 2010 9:21 am

تسلم ايدك يا هيما بس برضو تامر حسنى يكسب
الرجوع الى أعلى الصفحة اذهب الى الأسفل
http://futureacademy.ahlamuntada.com
BeSo
عضو مبتدى
عضو مبتدى
avatar

عدد المساهمات : 11
تاريخ التسجيل : 08/03/2010
العمر : 28

مُساهمةموضوع: رد: حفلة تامر حسنى و حفلة عمرو دياب .... عفوا الفارق شاسع   الإثنين مارس 08, 2010 2:21 pm

يا هيما تامر مين بس
الرجوع الى أعلى الصفحة اذهب الى الأسفل
 
حفلة تامر حسنى و حفلة عمرو دياب .... عفوا الفارق شاسع
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
The BesT Friends In FuTure Academy‎ :: فن الإبداع في الحوار العام-
انتقل الى: